Participa

Encontro de Embarcacións Tradicionais de Galicia

15ª EDICIÓN · MOAÑA 2021

Ao Encontro de Embarcacións Tradicionais De Galicia están convidadas todas as asociacións pertencentes á FGCMF e entidades afíns, tanto de Galicia como doutros países e comunidades, tamén particulares e institucións de interese cultural e patrimonial.

Embarcacións participantes

Eliseo

Galeón, Moaña

O Eliseo é un tipo de embarcación coñecida como galeón das rías que foi construído no ano 1908 e botado inicialmente co nome de Pepita. Na actualidade conta polo tanto con 112 anos de idade, sendo probablemente o barco en activo máis antigo en Galicia e un dos de máis antigüidade de España.

Mar de Muros

Buceta, Muros

Contruído nos Estaleiros Abeijón do Freixo con motivo do IX Encontro de Embarcacións Taradicionais celebrado en Muros en 2009. Desde aquela participou en multitude de actividades, entre as que destacan varios Encontros ou algunhas expedicións como a de Brest 2012, Pasia 2018, Escocia ou outras.

Visenta

Buceta, Muros

Barco de 1934 cedido polo seu propietario á asociación, e que foi reconstruído en 2010 nunha escola-obradoiro de restauración organizado polo Concello de Muros. Desde aquela o barco participou en multitude de actividades, entre as que caben destacar varios Encontros ou unha expedición a Esposende.

Fungona

Dorna polbeira, Cambados

Feita no Cabodeiro, na carpinteria de ribeira de Ramon Pazos, "os Mochitos". Participa nas regatas que todolos anos se desenvolven e ten a honra dun 1ro posto na senlleira, desexada e fermosa Regata da Parrocheira, sendo a primeira dorna en ganala, rematando coa "tirania" dos botes de Ribadeo.

Nova Marina

Lancha xeiteira, O Xufre

A “Nova Marina” é unha lancha xeiteira construída pola Escola de Carpintería de Ribeira Aixola de Marín en 1993 a partir do pecio recuperado en Caldebarcos da “Marina”. Este pecio pódese ver hoxe en día no Museo Massó de Bueu. Ata 1993 a tipoloxía de lancha xeiteira estaba extinta, cando foi durante séculos a embarcación de pesca máis presente no litoral galego dende a costa coruñesa ata a desembocadura do Miño. Vén o nome da tipoloxía polo súa adicación á pesca da sardiña coa arte do xeito. Actualmente a “Nova Marina”, propiedade da Xunta de Galicia está salvagardada pola Escola de Navegación Tradicional da ACD Dorna de A Illa de Arousa. Podemos considerar á “Nova Marina” o xerme de todo o movemento galego a prol da cultura marítima e fluvial, así como o xerme da creación de CULTURMAR

Rei do mar

Galeón, O Xufre

O "Rei do Mar" é un galeón de ría de 1958, que ao igual que o seu xemelgo “Maravilla” acometeu durante a súa vida laboral como embarcación de cabotaxe funcións de transporte entre as dúas marxes da Ría de Arousa. Desta forma comunicou as localidades de Vilanova e A Illa con Rianxo, A Pobra do Caramiñal e Ribeira. Posteriormente, pasou a mans dun comprador de peixe e marisco que mercaba o producto no mesmo mar e despois vendía ás fábricas. Os seus últimos anos de actividade profesional pasounos como barco de batea na mesma Ría de Arousa ata finais dos anos dous mil. Adquirido pola ACD Dorna para a súa reconstrucción como barco escola da Escola de Navegación Tradicional Dorna, navega a vela co colectivo dende 2012, gracias ao esforzo de tódalas persoas socias que financiaron o proxecto coa súa cota mensual e que lle adicaron moitas horas de traballo

Cassandra

Balandro, Portonovo

O Cassandra, foi deseñado por David Hillyard e construído nos Estaleiros Hillyard de Littlehampton (UK) en 1963. Botado co nome de Zincala hai 54 anos, ten unha eslora de 11 metros e unha manga de 3 m A embarcación foi construída en caoba do Senegal con cuadernas de ballesta e remachado en cobre. O pau e a botavara son de piñeiro de Oregón e mantén ata a actualidade case todos os elementos orixinais Durante o temporal Hortensia que azoutou Galicia en outubro de 1984, a embarcación, chega de arribada ás Rias Baixas cando ía camiño do Caribe, permanecendo semiabandonado durante 6 longos anos. Adquirido polos seus actuais propietarios, os irmáns Javier e Fernando Pazó en 1990, rehabilítano para a navegación de cruceiro.

Nova Esperanza

Gamela de Cabo de Cruz, Cabo de Cruz

Todo parece indicar que a gamela de Cabo de Cruz aparece na última década do 1800, como consecuencia dunhas condicións de vida que impoñían unha serie de limitacións para acceder a embarcacións máis complexas, e polo tanto, máis custosas, como a dorna, pero necesitábase máis seguridade da que afrecía a gamela común. Isto foi, seguramente, o que lle transmitiron os mariñeiros ó mestre Francisco Places Fernández e o que, conxugando a riqueza constructiva e a complexidade da dorna coa maravillosa simplicidade da gamela, o levou a construir un tipo de embarcación única e exclusiva que, sen dúbida, merecía ser rescatada do esquecemento, para colocala no papel que lle corresponde dentro da rica etnoloxía da ría da Arousa.

A Barola

Bote, Bouzas

O 13/8/2001 foi mercada polo seu actual armador. Anteriormente atopabase na zona da Portela (Redondela), na desembocadura do rio Alvedosa. No ano 2002 procedeuse a súa restauración xa que a embarcación estaba en mal estado. Respetouse o deseño orixinal e cambiouse o último banzo superior do casco, a cuberta, a regala e a roda. A embarcación xa foi construída no ano 1978 para navegar coa vela atina. Foraborda marca British Seagull.

Luisa III

Galeon, A Reiboa

Construido por un particular para o lecer. Cedido a AVV Boureante e restaurada por eles a principios dos anos 90. Navega co CM A Reiboa dende a fundación do Club.

A Reiboa

Dorna de tope, Combarro

Construida polo CM A Reiboa en Asteleiros Garrido, dentro do programa Desafío a Tope da Deputación de Pontevedra.

Diana

Gamela coruxeira, Cangas

Gamela empregada na recolleita de navalla mediante mergullo e que foi cedida a asociación Mar da pedra e recuperada no 2006 utilizando técnicas actuais, no Campo de Traballo Moaña I organizado por Sueste,  reparación que  consistiu no arranxo dos dous costados, a borda e a construción dun temón, remos, o engaretado, o pau, a verga e a vela.

Txatua

Batel, Lekeitio

Embarcación de espírito tradicional inspirada nun plano de batel da colección Mutiozábal (1890).

Rula

Gamela coruxeira, Cangas

Traballando ao día en Cangas ata a xubilación, adquirida en 2006 por Mar da Pedra.

Roxiña

Dorna, Cabodeiro

A derradeira dorna que fixo Monchito da Arousa.

Lavanqueira

Dorna de tope, O Xufre.jpg

Réplica das antigas dornas de tope que había na ría de arousa, sobre todo en Cambados, A Illa de Arousa e O Grobe.

Ordelinda

Dorna, Carbodeiro

Avoa Merchi

Racú, Moaña

Hor Konpon

Batel, Portugalete

A Oleira

Racú, Bouzas

Cunquinha

Dorna, Vigo

Moura

Dorna, Santa Uxia de Riveira

A Falucheira

Dorna, Bouzas

Zenaida

Dorna, O Campo, A Illa

O Peixiño

Bote de Ribadeo, Bouzas

Isla de Cortegada

Galeón, Carril

Coruxo

Galeón, Bouzas

Laberco

Racú, Cabo de Cruz

Jarrilleira

Dorna, A Pobra do Caramiñal

Iria

Choupán, Aguete

Construido no desaparecido asteleiro de Os Praceres, Lourizán, Pontevedra.

15º Encontro de Embarcacións Tradicionais de Galicia

MOAÑA do 5 ao 8 de agosto de 2021

Organización

Patrocinio

Síguenos

Webs relacionadas

Contáctanos

15º EETG. Todos os dereitos reservados.
Deseño e imaxe Diego Seixo.

Esta web utiliza cookies propias para o seu correcto funcionamento. Ao facer clic no botón Aceptar, aceptas o uso destas tecnoloxías e o procesamento dos teus datos para estes propósitos.    Máis información
Privacidad